حدوتة قبل النوم للعشاق بالعامية

دائمًا ما يكون على إثر أي مشاعر جميلة بين طرفين أحاديث حانية وتقطر حبًا، كاشتقت لك، وأحبك، وابقى معي طويلًا، وقص حكاية قبل النوم هي من مظاهر ذلك بلا شك، على أن تكون بلغة عاميّة بسيطة، وذات قصة طريفة ورومانسية، فلا داع للتعقيد مع هذا الإنسان تحديدًا.

حدوتة قبل النوم للعشاق بالعامية الأمير الضفدع

كان يا مكان، في سالف العصر والزمان كان في أمير وسيم، وكان والده عنده أملاك كتيرة جدًا، وكان له سلطان كبير، وده اللي خلى الأمير ده يتغر جدًا، ويبقى طول الوقت فاكر أن محدش قده.

كمان كان بيتعرف على بنات كتير جدًا، ويغريهم بمنصبه وكونه أمير وعنده فلوس كتير، وكان فعلا بيزغلل عنيهم بالفلوس دي هدايا ومجوهرات عشان يحصل على رضاهم ويفضلوا حواليه طوال الوقت.

الملك والد الأمير ده معجبهوش حاله، عشان كدة قرر أنه يخليه يمر باللي يحوله لشخص معتمد على نفسه أكتر، عشان كدة أرسله في زيارة لمدينة تانية، ومنع عنه المصروف تمامًا عشان يبطل إسراف، وبكدة يقدر يدور على شغل ويكون أنضج بكتير.

لأنه كان عارف أنه مش ناضج كفاية، أرسل معاه المساعد بتاعه، عشان يفضل وراه طول الوقت ويتصرف لو أخطأ في أي شيء.

الأمير مكانش تفكيره زي والده، لكنّه كان عايز يلاقي في المدينة دي بنت غنية عشان يقدر يتجوزها، وبكدة مش هيكون مضطر يشتغل، وطبعًا المغفلات كانوا كتير، وكان هينفع يزغلل عيون أن واحدة بأنه أمير ووسيم وأنها هتكون أميرة هي كمان.

فعلًا في بنت جميلة شقراء وعيونها ملونة كانت معجبة جدًا بالأمير، وفعلًا بباها عزمه على حفلة في البيت بتاعهم عشان يتعرف عليها، وجهزت نفسها ولبست فستان حلو أوي مستنية الأمير، لكنه مجاش في الآخر.

في الحقيقة هو جه الحفلة، بس كضفدع مش أمير، والسبب أن في ساحر شرير حوله لضفدعه، وأخد شوية من دمه عشان يحول المساعد بتاعه لشكل الأمير، ويبدأ يستفيد ماديًا من البنت الشقراء الجميلة وبباها وياخد كل فلوسهم.

فضل الأمير المسكين في شكل الضفدعة، وكان الحل عشان ينهي اللعنة دي أنه يبوس أميرة، وبالصدفة قابل بنت لابسه زي الأميرات وعلى راسها تاج، هو فكرها أميرة عشان شكلها زيهم، لكنها كانت في حلفة تنكرية وهي في الأساس بنت بسيطة جدًا.

عاشت طول عمرها حياة بسيطة وهادية، بعيدًا عن الأضواء والشهرة، وكانت بتبذل مجهود كبير جدًا مؤخرًا عشان تشتري المطعم اللي بتحلم بيه، وافقت أنها تبوس الضفدعة اللي وعدها أنه لما يرجع أمير هيردلها الجميل ويشتريلها المطعم.

لكن لا الضفدع رجع أمير ولا أي حاجة، وكان السبب أنها مش أميرة بجد، والجزء الأسوأ في القصة أنها اتحولت لضفدع هي كمان.

عشان كدة قرر الضفدعين دول أنهم يدورا على حل، وفضلوا يدوروا في الغابة على الحكيمة اللي هتقولهم عالحل، وكان الحل أنه يبوس البنت الجميلة الشقراء.

عشان بباها كان ملك المهرجان في الوقت ده.. وهي بكدة بقت أميرة، لكن طول الرحلة اللي كان جواها تفاصيل ومغامرات دي الأمير ده اتغير تمامًا، وبقا شخص ناضج أكتر بسبب التجربة دي، واتعلم من البنت دي يعني أية يتمسك بأحلامه، ويعني أية يبقى عنده حلم أصلا.

اتعلم يحب.. وحب الضفدعة جدًا، وعشان كدة قرر وبكامل قواه العقلية أنه يتجوزها، ومش مهم أي حاجة تانية في الدنيا، وده اللي حصل فعلًا عملوا فرح حضرته الغابة كلها، ومن ضمنهم كانت الست الحكيمة اللي أعلنتهم زوجين.

بمجرد ما الأمير الضفدع قرر أنه يبوس عروسته.. إذا بيه يرجع أمير تاني في لمح البصر، والضفدعة مراته رجعت بنت من تاني، وكان تفسير العجوزة الحكيمة وقتها أنه لما البنت اتجوزته هي كدة بقت أميرة، وبكدة العمل اتفك!

رجعوا الاتنين للمدينة تاني مبسوطين، ولكن كل واحد فيهم بشخصية مختلفة، واشترت البنت الجميلة دي المطعم اللي كان نفسها فيه.

ولُحسن الحظ جوزها الأمير كان معاها طول الوقت وبيساعدها، وكان داعم دايمًا ليها، وافتتحوا في النهاية مطعمهم الجميل سوا.. وعاشوا في تبات ونبات.

لا يفوتك أيضًا: 5 روايات عميقة جداً في الفلسفة تناقش العقل

حدوتة شارلوت وحبيبها الرسام الهندي

أجمل حدوتة قبل النوم للعشاق بالعامية هي التي لا تكون خيالية، بل ما وقع بالفعل في سالف العصور من حُب أفلاطونيّ، ففي التسعينات كان في فتاة بنت بغاية الجمال والفتنة اسمها شارلوت، كان وشها زي لوحة فنية فعلًا.

كان في فنان ورسام مشهور جدًا عايش في الهند، وكان موهوب للحد الذي خلى أمره يوصل ليها، عشان كدة قررت أنها تسافر لبلده عشان يرسم صورة ليها، وبالفعل راحت شارلوت، إلا أن اللي كان مستنيها مكنش بس صورة.. لكن أجمل قصة حب في العالم.

وقع الرسام في غرامها طول الفترة اللي كان بيرسمها فيها، وهي كمان نفس الشيء، وكانت اللوحة في النهاية شايلة أدق تفاصيل جمال شارلوت عشان اترسمت من أيد حبيبها.

بعد كدة اتعلقوا ببعض جدًا، وقرروا أنهم يتجوزوا عشان يفضلوا مع بعض طول الوقت، لكن كان في مشكلة صغيرة جدًا، وهي أن شارلوت كانت عايزة تكمل دراستها، عشان كدة كانت مضطرة أنها ارجع بلدها لندن.

بالفعل رجعت، ووعدها زوجها الفنان الهندي أنه هيجي ليها في أسرع وقت ممكن، ولكن بعد ما هي مشت لما مقدرش حتى يجمع المبلغ اللي هيسافر ليها بيه، عشان كدة قرر أنه يشتري بالفلوس اللي فضلت معاه عجلة، كمان جمع كل أدوات الرسم بتاعته واللوحات معاه.

واستمرت رحلته دي 4 شهور فضل يمر فيها من بلد لبلد ويرسم الناس فيها، وفي الآخر وصل لحبيبته وزوجته أخيرًا، وقابلها وعاشوا مع بعض في تبات ونبات، وخلفوا صبيان وبنات.

لا يفوتك أيضًا: أسماء روايات جميلة للقراءة اجتماعية ورومانسية

حكاية الزوج القروي البسيط

يمكن دي تكون من أحلى الحواديت اللي بتثبت فعلًا أن الحب قادر على فعل المستحيل، في قرية بسيطة وبعيدة عن المدينة كان عايش زوجين.

كانوا بيحبوا بعض جدًا وكانت حياتهم بسيطة وجميلة، ولكن كان في جبل بيفصل قريتهم عن المدينة، وده اللي بيخليها طول الوقت بعيدة جدًا وصعبة الوصول ليها.

في مرة كانت الزوجة رايحة المدينة عشان تشتري طلبات للبيا كانت محتاجاها، ولكن وهي بتعدي من على الجبل وقعت، وأصيبت بجروح كتيرة جدًا وخطيرة بالفعل، وكانت حالتها حرجة جدًا، والمساعدات الطبية بعيدة جدًا عنها، عشان كدة اتوفت قبل ما زوجها يقدر يلحقها بأي مساعدة.

حزن الزوج على زوجته جدًا، وعشان كدة قرر أنه مش هيسيب حد يعيش نفس الألم اللي عاشه من تاني، وقرر أنه يحفر الجبل اللي سبب وفاة زوجته، عشان يسهل الطريق للمدينة، وبالفعل بعد 22 سنة قدر الراجل ده أنه يحفر الجبل.

رغم التنمر اللي كان من كل المحيطين بأن اللي بيعمله ده جنان، إلا أنه كان عاوز يخلد ذكرى زوجته، وبالفعل قدر يقصر الطريق من 55 متر إلى 15 متر بس.

أفضل حدوتة قبل النوم للعشاق بالعامية هي التي تكون خليط ما بين الإخلاص في الحب، والرغبة الحقيقة بأن يكون المُحب جوار شريكه أبد الدهر، باذلًا كل ما بيده من جهد.